现年38岁嘅张栢芝，18岁时接拍饮品广告，凭住清纯外表一炮而红，喺1998年开始参与电影拍摄，首部电影《喜剧之王》饰演柳飘飘，当时仲係新人嘅栢芝一鸣惊人。其后栢芝片约不断，接拍多套卖座电影，包括《星愿》、《辣手回春》、《锺无艳》、《大隻佬》及《忘不了》等等，更凭《忘不了》勇夺影后殊荣，演技备受肯定。喺2006年，栢芝与谢霆锋喺菲律宾秘婚，其后诞下囝囝Lucas和Quintus，之后捲入陈冠希艳照事件，直到2011年二人结束短短5年嘅婚姻，独自抚养两个囝囝。上年11月，栢芝诞下第三胎，不过佢未有公开BB生父身份。除咗影响感情生活之外，艳照事件亦重创佢嘅演艺事业，栢芝其后所拍嘅电影票房都大不如前，更被笑称「票房毒药」。人生经历唔少高高低低嘅佢，近日担任内地综艺节目《女人30+》嘉宾，分享多年嚟嘅人生经历及伤痛。

内地综艺节目《女人30+》邀请栢芝担任嘉宾，仲带佢重回当年《喜剧之王》嘅石澳健康院拍摄场地。栢芝哽咽提及由出道至今喺娱乐圈嘅起起跌跌，佢承认过往做过唔少错事。唔好话好嘅事情就接受，做错嘅事情就后悔，既然发生咗就要接受同负责任，唔好回头看，要勇敢面对。

另外，栢芝喺节目仲哽咽话：「差不多22年，那麽多年，受到很多不一样的攻击，不怨天不怨地也不怨你，就是我甚麽都不会怨别人，伤害到极点的，那个…那个伤害怎麽说，每一个人我觉得，多坚强也很难去过那关，但是我觉得现在38岁，我还是一关一关的过。我自己也可以走过来，没有其他女生是走不过来的。」虽然喺整个访问中栢芝冇讲明边单伤痛嘅事件，不过唔少网民都认为与艳照事件有关。